Алматыда №141 жолаушылар автобусы тұрғын үйге соғылды, деп хабарлайды Stan.kz ақпарат агенттігі.
Полицияның мәліметінше, жүргізушінің өзі мен алты жолаушы зардап шеккен жол апаты 10 қазан күні сағат 18:00 шамасында болған.
«Жеке тасымалдаушы «Олжас ЛТД» ЖШС қызмет көрсететін №141 бағыттағы «Yutong» автобусын басқарған жүргізуші Кудерина көшесімен оңтүстік бағытта келе жатып, рульге ие бола алмай, жол жиегіне шығып кетіп, тұрғын үйге соғылған. Жол-көлік оқиғасы салдарынан жүргізуші мен автобустың алты жолаушысы зардап шекті. Осы факті бойынша Қылмыстық кодекстің 345-бабының 2-бөлігі «Жол қозғалысы ережелерін бұзу немесе абайсызда адам денсаулығына ауыр зиян келтірген көлік құралдарын пайдалану» бойынша сотқа дейінгі тергеу басталды», — деп хабарлады Алматы қаласы ІІД Анықтау басқармасының басшысы Олжас Шәріпов.
https://stan.kz/almatida-zholaushilar-avtobusi-tyrgin-uyge-sogildi-zard-371715/
