Ең алдымен Өндірістегі мәдениет ошағының құрылысымен танысып, жұмыстың аяқ алысын байқадым. Жыл соңына дейін пайдалануға берілетін ғимараттың басым бөлігі аяқталған. Қазіргі кезде ішкі әрлеу жұмыстары басталған. Жауапты мердігерге нысанның құрылысын уақытынан кешіктірмей аяқтауды тапсырдым.
Сонымен қатар, биыл Ақтөбе ауылына ауыз су тарту жұмыстары басталған болатын. Қазіргі кезде мұндағы жұмыстар қарқынды жүргізілуде. Сәтін салса, келесі жылы ауылдағы 6 көше таза ауыз сумен қамтылатын болады. Айта кету керек, дәл осы бағыттағы жұмыстар Шу қаласындағы Қант зауыты мөлтек ауданында да жүргізілуде. Ондағы жұмыстар да келесі жылы толығымен аяқталатын болады.
Ақтөбе мен Мойынқұм ауылында салынып жатқан спорт алаңшасының құрылысын да көрдім.
Қос ауылдың тұрғындары дәл осы спорт алаңшасына қатысты мәселені бірнеше мәрте көтерген болатын. Осыған орай, жергілікті қазынадан қаржы қаралып, құрылысы басталды. Екі ауылдағы спорт алаңшасы да келесі жылы ел игілігіне берілетін болады.
