Жақсылық Үшкемпіров атындағы “Тараз-Арена” спорт сарайында Тараз қаласы әкімдігі мен облыстық ішкі саясат басқармасы “Қоғамдық келісім” КММ-нің ұйымдастыруымен “Бейбітшілік пен келісім” жобасы аясында қала тұрғындары арасында спорттық эстафета өткізілді.
Жарысқа 13 этномәдени бірлестіктердің өкілдері қатысып, 100-ден астам адам қамтылды. Спорттық эстафета нәтижесі бойынша ІІІ орынды “Ахыска” түрік этномәдени бірлестігі, ІІ орынды “Манас Ата” қырғыз этномәдени бірлестігі, ал І орынды “Әулие Ата” қазақ этномәдени орталығы (М.Х.Дулати атындағы Тараз өңірлік университеті) иеленді.
Жеңімпаздар мен жүлдегерлер Тараз қаласы әкімдігінің арнайы дипломымен, медальдарымен және кубоктарымен марапатталды.
