Беларусь өз территориясына Украинаның зымыраны құлағанын хабарлады, деп хабарлайды Stan.kz ақпарат агенттігі.
Жергілікті сарапшылар зымыранның бұл аймаққа кездейсоқ құлағанын айтады. Бірақта орын алған оқиғаның беларусь әуе шабуылына қарсы қорғаныс жүйелерінің жұмысының нәтижесі деген нұсқа да қарастырылуда.
“Беларусь аймағына С-300 кешенінің жауынгерлік зымыраны құлады”, – деп хабарлайды Беларусь мемлекеттік БЕЛТА агенттігі.
Ведомствоның мәліметінше, снаряд украинаға тиесілі.
Зымыран Брест облысының Украинамен шекаралас Иваново ауданына құлаған. Алдын ала мәлімет бойынша, зардап шеккендер жоқ.
Оқиға орнында құқық қорғау органдары мен әскерилер жұмыс істеп жатыр. Оқиға туралы Беларусь президенті Александр Лукашенко хабарлаған.
Беларусь сарапшыларының пікірінше, зымыран Беларусь жеріне қараша айында Польшадағы оқиғаға ұқсас дұрыс емес траекторияға байланысты ұшып кетуі мүмкін еді. Сондай-ақ, снарядты беларусь әуе шабуылына қарсы қорғаныс жүйелері атып түсірген деген балама нұсқа да қарастырылуда.
Украина билігі бұл оқиғаға қатысты әзірге түсініктеме берген жоқ.
https://stan.kz/news-375487/
