Семей тұрғыны телефонына мобильді қосымша орнатқан сол 5,8 миллион теңгесінен айрылып қалды

27 желтоқсанда Семей қаласының тұрғыны AnyDesk қосымшасын орнатқан соң 5,8 миллион теңгесінен қағылды, деп хабарлайды Stan.kz ақпарат агенттігі Polisia.kz басылымына сілтеме жасап.

2022 жылы алаяқтарға алданған 18 тұрғын телефонына AnyDesk қосымшасын орнатқан. Мәселен, Семей қаласының 36 жастағы тұрғыны AnyDesk қосымшасын орнатып, есепшотындағы 5,8 млн теңгесінен айырылды.

27 желтоқсанда мессенджерде алаяқтар өздерін банк қызметкері ретінде таныстырған. Сөздеріне сендіру үшін алаяқтар оның атын, әкесінің атын, туған күнін және басқа жеке мәліметтерін ұсынған. Осылайша алаяқтар ер адамды банк карталарын екі факторлы қорғауды қамтамасыз ететін қосымшаны орнатуға көндірген.

Жәбірленуші нұсқауларды орындап, алаяқтарға телефонға келген бір реттік кодты айтқан. Осы кезден бастап алаяқтар тұрғынның телефонына қол жеткізіп, есепшотындағы ақшасын шешіп алған. Семей қаласы криминалдық полиция бөлімінің бастығы Ернар Ахметовтің сөзінше, AnyDesk сияқты қосымшаны пайдалана отырып, сіз басқа біреудің компьютеріне немесе мобильді құрылғысын толық басқара аласыз.

“Семей қаласының тұрғындарына интернет-алаяқтарға қарсы ең жақсы қару әлі де қырағылық екенін еске саламыз. Карточкалық шотқа қатысты барлық операциялар телефон арқылы емес, тікелей банкте жүзеге асырылады”, – деп түйіндеді Ахметов.

https://stan.kz/semey-tyrgini-telefonina-mobildi-kosimsha-ornatkan-sol-375547/