Ақорда сайтында мемлекет басшысының үш заңға қол қойғаны жарияланды.
- «Қазақтың ит тұқымдарын сақтау және өсімін молайту мәселелері бойынша кейбір заңнамалық актілерге өзгерістер мен толықтырулар енгізу туралы»;
- «Сыбайлас жемқорлыққа қарсы іс-қимыл және мемлекеттік қорғауға жататын адамдардың қауіпсіздігін қамтамасыз ету мәселелері бойынша кейбір заңнамалық актілерге өзгерістер мен толықтырулар енгізу туралы»;
- «Экологиялық құқық бұзушылықтар мен вандализм көріністері үшін әкімшілік жауапкершілікті күшейту мәселелері бойынша әкімшілік құқық бұзушылық туралы кодекске өзгерістер мен толықтырулар енгізу туралы», – делінген хабарламада.
Тазы мен төбеттерді сақтау мәселелері жөніндегі заңның негізгі мақсаты — ұлттық ит тұқымдарын сақтау және өсімін молайту саласындағы қызметті жүзеге асырудың құқықтық, ұйымдастырушылық және экономикалық негіздерін белгілеу. Қазақтың ит тұқымдарының генофондының жай-күйін бағалау, олардың генетикалық бейінін жасау бойынша ғылыми зерттеулер сондай-ақ мемлекеттік қолдау болмағандықтан, соған көңіл бөлу қарастырылды.
Екінші заңға сәйкес, шенеуніктерге кірістер мен шығыстар арасындағы айырмашылық үшін айыппұл салынып, жұмыстан шығарыла бастайды. Заң 2027 жылдан бастап күшіне енеді.
Үшінші заң бойынша вандализм үшін айыппұлдар өседі:
- Орман материалдарын өндіру тәртібін бұзу;
- Шабындықтар мен жайылымдық жерлердің зақымдау, орман қоры жерлерінде заңсыз шөп шабу және мал жаю, дәрілік өсімдіктер мен техникалық шикізат жинау;
- Орман фаунасын жою немесе бүлдіру, сондай-ақ орман қорының жерлеріне зақым келтіру, қалдықтармен, химиялық заттармен залал келтіру;
- Табиғи аумақтарда болу тәртібін бұзу;
- Ағаш кесу орындарын қалдықтардан уақытылы тазаламау, жолдарды бітеу құқықбұзушылықтарына заң күшейтіледі.
https://stan.kz/sheneunikterdin-kirisi-men-shigisi-vandalizm-zhane-it-t-375600/
