«Православ діні қоғамымыздың ажырамас бөлігі»: Тоқаев православ христиандарын Рождество мерекесімен құттықтады

Мемлекет басшысы Қасым-Жомарт Тоқаев ел азаматтарын Рождество мерекесімен құттықтады, деп хабарлайды Stan.kz ақпарат агенттігі.

Президент өз құттықтауында бұл мейрамның үміт пен қуаныш сыйлайтынын, жақсылыққа және әділдікке шақыратынын атап өтті. Сонымен қатар қоғамда жоғары гуманистік идеялардың берік орныққанын мәлімдеді.

“Басқа дәстүрлі діндер секілді христиан діні де мейірімділік, жанашырлық, сүйіспеншілік сияқты қастерлі құндылықтарды арқау еткен. Біздің қоғамымызда түрлі дінді ұстанатын, дүниетанымы әртүрлі жандарға адамгершілік жолын нұсқайтын жоғары гуманистік идеалдар берік орныққан. Православ діні қоғамымыздың ажырамас бөлігі ретінде жалпыұлттық бірлігімізді нығайтуға, мәдениеттер мен дәстүрлер әралуандығын сақтауға ықпал етіп келеді.

Халықтың ынтымақ-бірлігі және тілектестігі тұрақтылығымызды нығайтып, еліміздің өсіп-өркендеуіне және жан-жақты жаңғыру жолымен алға нық қадам басуына кепіл бола беретініне кәміл сенемін.

Баршаңызға зор денсаулық, толағай табыс тілеймін! Әр шаңырақ бақ-берекеге кенелсін!” – делінген құттықтауда.

https://stan.kz/tokaev-pravoslav-hristiandarin-rozhdestvo-merekesimen-k-375807/