Бүгін, 17 қаңтар Қордай ауданының құрылғанына 95 жыл толып отыр. Аудандық мәдениет үйінде атаулы күнге арналған алғашқы «Қордайым — құт мекенім!» атты үлкен концерттік бағдарлама ұйымдастырылды.
Іс-шараға аудан әкімі Бегзат Болатбеков қатысып, жиналғандар мен барша қордайлықтарды мерейтоймен құттықтап, ауданның әлеуметтік-экономикалық дамуына да тоқталып өтті.
Осы күні Әлжан ана ауылындағы мәдениет ошағында аудандық орталықтандырылған кітапханалар жүйесінің ұйымдастыруымен «дөңгелек үстел» ұйымдастырылып, танымал тұлғалар аудан тарихына қатысты пікір алмасты.
Айта кетейік, Қордай ауданының 95 жылдығына арналған мерейтойлық іс-шаралардың бұл басы ғана, атаулы дата жыл бойы әртүрлі форматтағы шаралармен жалғасын табатын болады.Жамбыл облысының Өңірлік коммуникациялар қызметі
