Күн шығыс елінің азаматтары арасында кең қолданысқа ие «Кайдзен» тұжырымдамасы «Жол активтері сапасының ұлттық орталығында» да өз жемісін беруде. Кез келген кәсіпорынның жұмысын оңтайландыруды көздейтін жобаның игілігін көріп жатырмыз дейді филиал қызметкерлері.
Жалпы, филиалда орнатылған 12 бірлік инновациялық технологияның барлығы дерлік корпоративтік сайттарға қосылған. Нәтижесінде, мамандар бұрынғыдай алтын уақытын сарп етуге мәжбүр болмайды. Ереже мен нормативті білгісі келген қызметкер өзінің ұялы телефонындағы QR код арқылы керегіне қол жеткізеді. Қорыта айтқанда, бұл жүйенің жұмысты жүйелендіруде көмегі мол.
