Аудан әкімінің орынбасары Олжас Баққараевтың төрағалығымен аудандық орталық аурухананың 2022 жылы атқарған жұмыстары мен алға қойған міндеттері, ана мен нәресте өлімін болдырмау және алдын алу жөніндегі мәселелер бойынша және аудандық санитарлық-эпидемиологиялық бақылау басқармасы басшысының баяндамасы тыңдалды.
Жиынға аудандық орталық аурухананың дәрігерлері, ауылдық округтердегі аға дәрігерлер, меңгерушілер қатысты.
Штаб отырысында сөз алған аудандық орталық ауруханасы бас дәрігерінің міндетін атқарушы Сәуле Конкашева АОА құрамы мен құрал жабдықтарының деңгейін, дәрі-дәрмекпен қамтамасыз етілуі, МӘМС жүйесі және өткен жылдың қорытындысы бойынша хабарлады.
Баяндамашы Сәуле Базарбайқызының айтуынша, ауданда 35 денсаулық сақтау мекемесі бар. Оның ішінде орталық аурухана, аудандық емхана, 14 дәрігерлік амбулатория, 1 БМСК, 3 фэлдшерлік-акушерлік пункті, 15 медициналық пункті халыққа қызмет көрсетуде. Медициналық ұйымдардың медициналық техникамен жарақтандырылу деңгейі 2022 жылдың 12 айында 98,3% құрап отыр. Облыстық көрсеткіш 92% құрайды. Кадр құрамына келер болсақ, 107 дәрігер, 513 орта буын медицина қызметкерлері, 141 кіші буын медицина қызметкерлері, 236 басқа да қызметкерлер жалпы алғанда 997 қызметкер жұмыс жасауда. Жамбыл аудандық орталық ауруханасының дәрімен қамтамасыз етіліуі 2022 жылдың 12 айлық көрсеткіші бойынша 562 млн 242 мың теңге дәрілік тауарға бөлініп, толық игерілген.
Жамбыл АОА 2022 жылдың қорытындысы бойынша Пациенттерді қолдау қызметі – «Колл-орталыққа» 5662 консультациялық сұрақтар және өтініштер бойынша қоңырау түскен. 2022 жылдың қаңтарында
Денсаулық сақтау саласын цифрландыру турасында айтар болсақ, интернетпен қамтылу-75% құрайды. Ал денсаулық сақтау нысандарының 70 пайызы компьютермен жабдықталған. 2022 жылы 20 компьютер және 20 принтер сатып алынды және 20 принтер және 10 компьютер жинағын сатып алу жоспарлануда.
Ауданда 1 жылжымалы медициналық кешен қызмет көрсетеді. 2022 жылда медициналық кешен 26 ауылға арнайы барып, 11830 тұрғынға ем-дом көрсеткен. Аудан бойынша 2022 жылға 1 жасқа дейінгі екпеге жоспарланған балалар саны 1634 екпе егілді. Алқымнан алған коронавирус індетіне қарсы 39901 адамға екпе салынды.
34906 азамат реавакцинациядан өтті. Осы және басқада жұмыстарды назарға ұсынған С. Конкашева АОА жетістіктеріне де тоқталып өтті.
АОА «Цифрлық Қазақстан» мемлекеттік бағдарламасының аясында «ДамуMed» медициналық ақпараттық жүйесі еңгізілген.. Қамтылу пайызы 100%. Сонымен қатар бұл жүйеде ауданда рентгенологиялық кескіндерді науқастың электронды паспортына жүктелуіне арналған PACS жүйесі қосылып, 2021 жылдың қыркүйек айында облыста 3 үздік тәжірибе орталығының бірі болып ашылды. Ағымдағы жылда Жалпақтөбе ауылдық емханасында үздік тәжірибе орталығы ашылуы жоспарлануда. Аудандық ауруханасында кислородтық магистралі өткізіліп іске қосылған. Қаракемер дәрігерік амбулаториясының жаңа ғимараты қолданысқа берілсе, Қызылқайнар , Айша бибі дәрігерлік амбулатория ғимаратының күрделі жөндеу жұмыстары аяқталған.
Баяндамашы мұқият тыңдаған Олжас Елебекұлы медицина саласын дамытуда қойылған басты міндеттерді жоспарға сай орындаудың маңыздылығына тоқталып өтті.
