Ғылым және білім министрі елімізде студенттерге берілетін жолақысын өтеу тәртібіне өзгеріс енгізді. Саясат Нұрбектің жаңа жарлығы бойынша мемлекеттік жоғарғы оқу орындарында білім алатын грант иегелерліне жылына екі мәрте жол төлемі бөлінеді. 2022 жылдың ақпан айынан 2023 жылдың наурыз айына дейінгі уақытта жол төлемі тек студенттер отырғызу талондары, чектер сияқты есептерді ЖОО басшылығына тапсырған жағдайда бөлініп отырды. Айта кетейік, басқа қаладан әуе транспортынан бөлек, автомобильді (таксидан бөлек) және теміржол транспортымен қатынайтын студенттер қысқы және жазғы демалыста қажетті құжаттарды көрсеткен жағдайда ғана қосымша қаражат ала алатын еді. Шәкіртақыдан бөлек бөлінетін жол төлемі 4 айлық есептік көрсеткішті құрайды. Бұл қазіргі таңда шамамен 14 мың теңге. Бакалавр студенттерінен бөлек жол ақысына деп бөлінетін қаржыны магистратурада білім алатын грант студенттері де ала алады.
Қымбат Киргизбаева,
Астана қаласы Astana IT университетінің
цифрлық журналистика факультеті бойынша
3 курс студенті.
