Махмұд Сабырхан жартылай финалда кубалық боксшыдан басым түсті деп хабарлады turkystan.kz.
Осылайша, 2021 жылы Беглрадтағы әлем чемпионатының күміс жүлдегері Махмұд Сабырхан бокстан Ташкенттегі әлем біріншілігінің финалына жолдама алды.
54 келіге дейінгі салмақта сынға түскен Махмұд 2017 жылғы әлем чемпионы кубалық Йосвани Вейтиямен жұдырықтасты. Ол қарсыласын 5:0 есебімен жеңді.
Отандасымыз финалда Дмитрий Двали (Ресей) – Ойбек Джураев (Өзбекстан) жұбының жеңімпазымен кездеседі.
Еске салайық, бұған дейін Ташкенттегі турнирдің финалына Санжар Тәшкенбай шыққан болатын. Бүгін кешкі сессияда Дулат Бекбауов, Асланбек Шымбергенов пен Нұрбек Оралбай өз жекпе-жектерін өткізеді.
https://turkystan.kz/article/222773-kubalyk-boksshyny-zhengen-mahmud-sabyrhan-altynga-talasady/
