Қаза болған адамды қазақ шариғат бойынша жөн-жоралғысын жасап, о дүниеге шығарып салған. Бірақ кейінгі уақытта халқымыз салтанатты дастарқанға ерекше назар аударып кеткендей. Ал аза тұтып отырған үйге көңіл айтып келгендер дәм татып қана қоймай, пакет көтеріп қайтады. Бұл қаншалықты дұрыс? Қаралы үйден тағам алуға бола ма?
Қазақ салт-дәстүрлерін дәріптеуші Мәшһүр-Жүсіп Көпеев осы жағдайға қатысты бір жазбасында «Қаралы үйден тағам алып, соны үйіне апара жатқан адам өзімен не әкетіп бара жатқанын білер ме екен? Бір шаңырақта адам о дүниелік болып жатқанда, сол шаңырақтан түйір дәм алу жақсы нәрсе емес. Себебі, қаралы үйден шыққан тағамнан қан тамшылап ағып тұрады. Ал қан тамшылап тұрған тағамды үй-ішіңе апарып жегізу – сол қаралы үйде болып жатқан қайғыны өз шаңырағыңа да жұқсын деп тілегенмен бірдей» деген екен.
https://turkystan.kz/article/224479-karaly-uyden-tagam-aluga-bola-ma/
