Ел Президенті Қасым – Жомарт Тоқаевтың «Әкімдердің халықпен кездесулерін өткізу туралы» Жарлығына сәйкес, бүгін Жаңаарық ауылдық округіндегі Ақтоғай ауылында ауыл тұрғындарымен кездесу өтті.
Ауыл тұрғындарымен кездесуде аудан әкімінің міндетін атқарушы Қайрат Аманов 5 айда ауданда атқарылған жұмыстарға тоқталып, тұрғындар мәселесін тыңдады.
Жиында Жаңаарық ауылдық округінің әкімі Қ. Алдабергенов ауылдық округте жыл басынан бері атқарылған жұмыстарды айтып, алдағы жоспарларымен бөлісті.
Жиын барысында тұрғындар мал шаруашылығына, оның ішінде жылқы малына берілетін субсидиялар, мал емдеу жұмыстары және биылғы жылы осы округте қолға алынып жатқан «Ауыл аманаты» жобасына байланысты мәселелерді көтерді.
Көтерілген мәселелер бойынша іс-шаралар жоспарын жасап, жұмыстар атқару үшін тиісті сала басшыларына, ауылдық округ әкіміне тапсырмалар берілді.
Ауыл тұрғындары кездесуде жыл басынан бері атқарылған жұмыстарға оң бағасын берді.
Жайылма ауылдық округінің тұрғындармен кездесу жиыны өтті
Мемлекет басшысы Қасым – Жомарт Тоқаевтың «Әкімдердің халықпен кездесулерін өткізу туралы» 2022 жылғы 3 наурыздағы №826 Жарлығымен барлық деңгейдегі әкімдердің халықпен кездесулерін өткізу тәртібі бектілген болатын.
Жаңа Жарғыға сәйкес барлық деңгейдегі әкімдер алдын ала жарияланған кестеге сәйкес жыл ішінде тұрғындармен кездесу өткізіп, мәселелерін тыңдайды.
Бүгін бектілген кестеге сәйкес, аудан әкімінің міндетін атқарушы Қайрат Аманов Жайылма ауылдық округінде болып, тұрғындармен кездесті.
Тұрғындармен кездесу барысында Қайрат Тілеубайұлы өткен 5 айда атқарылған жұмыстарға тоқталды.
Бұдан кейін, Жайылма ауылдық округінің әкімі Ж. Смағұлов ауылдық округте жыл басынан бері атқарылған жұмыстар мен алдағы жоспарлары туралы есебін берді.
Жиын барысында тұрғындар тарапынан Бүркітті су қоймасының дамбысын жөндеу, науасын ауыстыру, Жайылма-Ақтам бағытына тас жол мен көпір салу, Қызылдихан су қоймасының дамбысын нығайту, Жайылма, Маятас ауылдарындағы ауыз су жүйесін жөндеу, Ақтам ауылына кіші футбол және балалар ойын алаңын салу және басқа да мәселелер көтерілді.
Қайрат Тілеубайұлы көтерілген мәселелер бойынша іс-шаралар жоспары жасалынып, тиісті жұмыстар атқарылатындығын айтып, жауапты тұлғаларға тапсырмалар берілді.
Ауыл тұрғындары ауданда және ауылдық округте атқарылып жатқан жұмыстарға қанағаттанарлық деген бағасын берді.
Жиын соңында аудан әкімінің міндетін атқарушы Қайрат Аманов ауылдық округ әкіміне ауыл өмірін одан әрі жақсарту бағытындағы бірқатар тапсырмаларды жүктеп, жиынды қорытындылады.
