Қордай ауданында «Жасыл ел – 2023» еңбек жасақтарының ашылу рәсімі ұйымдастырылды

Ағымдағы жылдың наурыз айынан ауданда «Жасыл ел» еңбек жасағының жаңа маусымы бастау алған болатын. Жасақ жастары ауданды тазарту, абаттандыру жұмыстарына кірісіп, күнделікті ауданды көркейтуге өз үлестерін қосуда. Осы орайда аудан әкімдігінің мәжіліс залында «Жасыл ел – 2023» еңбек жасақтарының ашылу рәсімі ұйымдастырылып өтті. Іс-шараны аудан әкімі аппаратының басшысы Н.Сатымқұл ашып, жыл сайын дәстүрге айналған жасақ жұмысының іске асырылуына ерекше үлес қосқан ауданның орта арнаулы білім беру мекемелерінің ұжымдарына «Қордай» гуманитарлық-экономикалық колледжі, «Береке» гуманитарлық-техникалық колледжі, №7 Бетқайнар колледжі және үздік студенттері Д.Асылбек, М.Иса, М.Әлқожа, Ж.Құрманбек, А.Бекбосын, Қ.Бөлеген, А.Киргизбаев, А.Әскербекке аудан әкімі Б. Болатбековтың атынан әзірленген алғыс хаттар және естелік сыйлықтары мен гүлшоқтарын табыстады.