Округ әкімі тұрғындармен кездесті

Меркі ауданының аумағында округ әкімдері кестеге сәйкес тұрғындармен кездесу өткізуде.
Кезекті кездесуді Жамбыл ауылдық округінің әкімі Байболсынов Ербол Байболсынұлы, аудандық мәслихат депутаты Сейсенбаев Нұрлан Еренсізұлының қатысуымен өткізді.
Мемлекет басшысының «Әкімдердің халықпен кездесулерін өткізу туралы» жарлығына және Меркі ауданы әкімімен бекітілген кестеге сәйкес Жамбыл ауылдық округіне қарасты Жеміс-Жидек елді-мекенінде ауыл тұрғындарымен кездесу өтті.
Кездесу барысында өзекті мәселелер көтеріліп, түрлі тақырыптар қамтылды. Сондай-ақ ауылдық округте және оның ішінде Жеміс-Жидек ауылында бүгінгі күнге дейін атқарылған және алдағы уақытта жоспарланып отырған жұмыстар туралы айтылды.
Жеміс-Жидек ауылының тұрғындары өздерін мазалаған сұрақтарын қойып, ауылдық округ әкімі Байболсынов Ербол сұрақтарға Қазақстан Республикасының Заңнамалары аясында тиісті жауаптар берді.
​Кездесу соңында округ әкімі мен аудандық мәслихат депутаты ауыл тұрғындарын жекелеген мәселелері бойынша қабылдау жүргізді.