Игерілмеген жерлер мемлекет меншігіне қайтады

Биыл аудан прокуратурасы пайдаланбай жатқан жерлерді мемлекетке қайтару бойынша бірқатар жұмыстар атқарды.
Пайдаланбаған 5512 гектар құрайтын 155 жер учаскелері анықталып, олардың иелеріне тиісті хабарламалар берілді.
Қадағалау актісі негізінде пайдаланбай жатқан 3910 га, сондай-ақ заңсыз берілген ауданы 489 гектарды құрайтын 3 жер учаскелері мемлекеттік қорға қайтарылды.
Таулы аймақта коммерциялық мақсатта берілген жалпы 10,628 га құрайтын 28 жер учаскелерін мемлекетке қайтару жұмыстары жүргізілуде.
2022 жылы жайылымдық жерлердің 32 000 га қажеттілігі туындаса, биыл 31 000 га қажеттілік туындап отыр, 1000 га жайылым тапшылығы қысқарып, тағы 2805 га дейін қысқарту жоспарланған.
Қазіргі таңда, жер заңнамасының сақталуын қадағалау жұмыстары жалғасуда.
Сонымен қатар а.ж. 6 ай бойынша 2 тексеріс және 22 талдау қорытындыларымен 57 заң бұзушылықтар анықталып, 21 ұсыну және 5 наразылық еңгізілді.
Нәтижесімен 62 тұлға тәртіптік және 3 тұлға әкімшілік жауаптылыққа тартылды.
Бұл ретте 6 376 азаматтың құқықтары қорғалды, 194 заңсыз актілер бұзылып өзгертілді, 2 647 000 теңге мемлекет кірісіне өндірілді, сондай-ақ 55 224 000 теңгеге бағаланған мүлік мемлекет пайдасына қайтарылды.
Бүгінгі күнге аудан прокуратурасы мемлекет атынан заңда белгіленген шектерде және нысандарда аудан аумағында заңдылықтың сақталуына жоғары қадағалау жүргізуде