Құрметті меркіліктер, барша мұсылман қауым!
Сіздерді ұлық мереке – Құрбан айт мейрамымен шын жүректен құттықтаймын!
Бұл – елдің береке-бірлігін бекемдейтін, қанағат пен қайырымдылықты арттыратын мейрам. Еліміздің бірлігін күшейтіп, бауырластықты арттыра түсетін Ұлық мерекелердің бірі.
Ұлттық мәдениетіміз бен салт-санамыздың өзегіне айналған, ата-бабамыздан келе жатқан бұл дәстүрлі мереке рухани, мәдени жаңғыруының басты негізі. Құрбан айт мерекесі молшылыққа, зор қуанышқа, игі жақсылықтарға, мейірімге толы мейрам. Бұл мерекеде туыстардың арасы жақындасып, араздасқан, ренжіскен адамдар татуласып, өзара кешірісіп, ағайын-туыстар, дос-жарандар, көрші қолаңдардың байланысы күшейіп, көңілдерге қуаныш сыйлайтын ғибратты мереке.
Өзге ұлттар мен ұлыстардың өзара бірін-бірі бауырмашылдығының артуына да зор ықпалын тигізеді. Үш күндік мейрам күндері барынша қайырымдылық жасауға, садақа беріп, мұқтаж жандарға көмек қолын созуға, бір-бірімізге жақсылық жасауға, мүмкіндігі шектеулі жандарға қайырымдылық жасауға, қамқорлыққа алуға, көмек қолын созуға асығайық.
Келешегіміз кемел, жүзіміз жарқын болып, еліміз аман, жұртымыз тыныш, бауырымыз бүтін болсын, ниет еткендердің тілегі, дұғасы қабыл болсын! Жүректерге имандылық ұяласын, Құрбан айт мерекесі құтты болсын!
Баубеков Жорабек Нұрмергенұлы,
Меркі ауданының әкімі
