Мемлекеттік қызметкер болу – зор құрмет, бұл қызметте кәсібилікпен бірге жоғарғы адамгершілік қасиеттер қатар жүруі тиіс. Ол билік пен халық арасындағы өзіндік байланыстырушы буын болып табылады. Сондықтан да көп нәрсе оның кәсіби біліктілігіне, жедел түрде ой қорытып, қандай да бір мәселелерді шешу жауапкершілігін өз мойнына ала білу дағдысын игергендігіне байланысты. Кез келген деңгейдегі мемлекеттік қызметші лауазымы — жай мамандық тұрғысымен салыстырғанда мейлінше жоғары.
Мемлекеттік қызметкер халық алдында жауапкершілікті сезіне біліп, мемлекеттік қызметтің беделін көтеру керек. Түрлі салада қызмет ететін мемлекеттік қызметші, мейлі ол дәрігер, ұстаз немесе мемлекеттік басқару қызметінде болсын, өз ісіне жауапты, халық үшін қызмет ететін адал әрі әділетті болуы тиіс.
Мемлекеттiк қызметшiлер күні кәсіби мерекесімен осы салада қызмет етіп жүрген барша аудан азаматтарын құттықтаймын.
Сіздер Қазақстан Республикасы Президентiнiң саясатын қолдауға, өзiнiң iс-әрекетiмен мемлекеттiк билiктiң беделiн нығайтуға, Қазақстан Республикасы Конституциясын басшылыққа ала отырып, қоғам мен мемлекеттiң игiлiгiне қызмет етіп, Қазақстан халқының бiрлiгi мен елдегi ұлтаралық келiсiмдi нығайтуға ықпал етіп, өздеріңіздің ерен еңбектеріңізді көрсетіп жүрсіздер.
Айтулы мерекеде сіздердің еліміз үшін, ауданымыздың өсіп-өркендендеуі үшін атқарып жүрген қызметтеріңізге алғыс білдіремін. Еңбектеріңіздің жемісін көріп, абырой тұғырынан көрініп, биік белестерге шыға берулеріңізге тілектеспін.
Сіздерге және отбасыларыңызға амандық, береке, шад-шадыман, қуанышты күндер болсын деген ізгі тілегімді білдіремін.
Құрметпен: аудан әкімі Жорабек Нұрмергенұлы
