Меркілік ардагерлер арасында турнир өтті

Меркі ауданында Жамбыл облысы бойынша «Германиядағы Кеңес әскерінің тобы мен Варшава Келісім шарты әскерінің тобы»(ГКӘТ, ВКШӘТ) Ардагерлері республикалық қоғамдық бірлестігінің Жамбыл облысы филиалының директоры Қыдыралиев Сабыралы ағаның бастамасымен осы қоғамдық бірлестікке 1 жыл толуына орай, Меркі аудандық Ардагерлерінің ұйымдастыруымен өткізілген іс- шара аясында бұқаралық спортқа үлкен көңіл бөлініп, сайыстың 10 түрінен жарыстар өткізілді.
1.Кіші футбол
2.Волейбол
3.Теннис
4.Бильярд
5.Шахмат
6.Шашка
7.Арқан тарту
8.Асық ату
9.Қаппен секіру
10.Кір тасын көтеру
Жарыстарға 60-тан астам ардагерлер қатысып, филиал директоры Қыдыралиев Сабыралы ағамыз бен жарыс төрешілерінің ортақ шешімімен жеңімпаздар анықталып, оларға «Алғыс хат» пен марапаттар тапсырылды. Және жаңадан қосылған Ардагерлерге «Ардагер күәліктері» мен тиісті медальдары тапсырылды.
Аудан тарапынан Меркі аудандық ақсақалдар кеңесінің төрағасы Жылыспаев Байсеиіт Сабырұлы, орынбасарлары Жұматаев Мелс, Өзбеков Медербек ағалар мен Меркі ауданы әкімшілігі ішкі саясат бөлімінің маманы Куздеубай Дармен Оралұлы, Меркі ауылы әкімінің орынбасары Алмас Ерғазыұлы қатысты.
Меркі ауданы ақсақалдар кеңесінің төрағасы Байсеиіт аға ең алдымен, Меркі ауданы облыстағы барлық аудандар арасынан алғашқы филиал болып бөлініп шығып, заңды тіркелгенімен филиал басшысы Бейбітбек Мажиевті құттықтай келе, бірігіп атқаратын жұмыстарымыз бен мақсаттарымыздың да бір екендігі туралы айтып өтті. Ол өскелең жас ұрпақтың елге, жерге деген патриоттық сезімін ояту біздің басты міндетіміз деді. Сосын облыстың барлық аудандарынан келген Ардагерлердің қадамдарына нұр жаусын дей келе себелеп тұрған жаңбырға қуанып, бұл Сіздердің бүгін бізге әкелген ең жақсы да жағымды жаңалықтарыңыздың бірі деді, үлкен ризашылығын білдіріп. Барлық он аудан мен екі қаладан қонаққа келген Ардагерлерге меркілік Ардагерлер де өз ризашылық лебіздерін жеткізіп, рақметтерін айтты.