Көптен күткен мектеп құрылысы жүруде

Меркі ауданында құрылыс жұмыстары қарқынды жүруде. Атап айтсақ ауданда қос мектеп, қос бірдей ауылдық клуб құрылыстары кестеге сай жүруде.
Аудан әкімі Жорабек Нұрмергенұлы құрылыс басында болып, жұмыстарын көрді.
Аспара және Ақжол ауылдық округтерінде халық сұрананысы бойынша жүруде. Өйткені аталған ауылдарда мектептер қазіргі заман талабына сай емес, балаларға қолайлы жағдай болмаған. Ауылдағы мектеп 1986 жылы бой көтерген. Мұнда осы ауылдың 270 бүлдіршіндері білім нәрімен сусындауда.
Енді міне көптің қалауымен іргесін көтереген білім ошақтары барлық стандарттарға сай, сапалы құрылыс материалдарынан соғылуда
Аудан әкімі бірінші Аспара ауылындағы 180 орындық мектептің құрылыс жұмыстарымен танысты. Ауылдық мектеп директоры Бауыржан Мамырбаев жобаланған балалар кабинеттерімен таныстырып, алдағы мақсат, жоспарларымен бөлісті. Ол мектеп жанынан жылыжай соғып, балалардың бос уақытын қамтуды көздеген. Аудан әкімі құрылыс прорабы Дастан Орынбасармен сұқбаттасып, жұмыстардың кестеге сай уақытылы жүруін тапсырды. Бұл нысанда құрылыс қарқынды жүруде. Қазіргі таңда екінші қабаты көтеріліп, бетон плиталары құйылуда. Жобалық құны 732 млн. теңгені құраған мектеп екі қабаттан, төрт блоктан тұрады
Сонымен қатар, аудан әкімі Ақ жол ауылдық округінде болып, мұндағы 80 орындық білім ордасының құрылыс барысын көрді. «ТемирСтройСервис» ЖШС білек сыбана кіріскен бұл нысан құрылысы кестеге сай, еш тоқтаусыз жүруде. Аудан әкімі құрылысшылармен сұқбаттасып, қиыншылық тудырған мәселелеріне тоқталды. Сонымен қатар, аудан басшысы сапалы құрылыс құралдарын қолдануды талап етті.
Мемлекет басшысы Қасым Жомарт Тоқаев өзінің сөзінде Жеті түрлі ілім білетін ұрпақ тәрбиелеу керектігін міндет еткен. Ал осы ілім білімді заман талаптарына сай беру үшін ауыл балаларына материалдық базаның жақсы болуы шарт. Аспара және Ақ жол ауылы тұрғындары мектеп құрылысына балаша қуануда. Өйткені қазір заман – білімділер заманы. Білімсіз, ілімсіз болашақты елестету қиын.