Шоқпар ауылдық округінде «Шатыркөл-Жайсан кластерінде байыту фабрикасын салу» жобасы бойынша қоғамдық тыңдау өтті. Жаңа зауыттың ауаға, топыраққа, суға және қоршаған ортаға ықтимал әсерлерін білу мақсатында өткен жиынға Шоқпар, Бірлікүстем, Бірлік, Д.Қонаев және Көкқайнар ауылдық округтерінің тұрғындары қатысты.
Қоғамдық тыңдау барысында “Қазақмыс” корпорациясының өкілі Сәкен Шаяхметов атқарылған жұмыстар мен кен орнындағы жай-күйді жан-жақты талдап, тұрғындарға түсіндіріп берді. Ал фабриканың жобалаушы менеджері Бауыржан Макин ауылдықтар тарапынан қойылған сауалдарға жауап берді. Сондай-ақ, жаңадан бой көтеріп жатқан фабриканың ауданымыз үшін экологиялық тәуекелдері төмен, ал
экономикалық артықшылықтары жоғары екенін атап өтті.
Сонымен қатар, қоғамдық тыңдауға қатысқан бірқатар БАҚ өкілдері де өздерінің сауалдарын қойды. Бұл ретте, корпорацияның инженері мен бас дәрігерлер және СЭС қызметкерлері тарапынан жауап берілді. Аталған қоғамдық тыңдаудың жалғасы қыркүйек айында өтетінін де айта кеткен жөн.
