Аудан әкімі Бақытжан Жәнібеков Бірлік ауылдық округінің тұрғындарымен кездесіп, ауылдағы ағайынның талап-тілегіне құлақ түрді. Сонымен қатар, елді мекендегі бірқатар нысандарды, шешімін күткен мәселелерді де жеке-жеке аралап көрді.
Тұрғындармен өткен кездесуде ақсақалдар ауыз су мен ағын су және жайылымға қатысты түйткілдерді тілге тиек етті. Оған қоса, ауылдықтар жүк көліктерін елді мекен сыртымен жүргізу және спорт нысанын соғу бойынша ұсыныстарын жеткізді.
Ауыл ішіндегі қараусыз қалған нысандарды мемлекет меншігіне қайтарып, оны жергілікті тұрғындардың игілігіне жарату бойынша ауыл әкіміне тапсырма берілді. Ауылдықтар тарапынан көтерілген түйткілдердің барлығы да назарға алынды. Ендігі кезекте оның орындалуы қатаң бақылауда болады.
