Бүгін даламызды күймен тербеп, әнмен әуелететін ұлттық аспабымызды ұлықтайтын, қазақ рухымызға тән «Ұлттық Домбыра күні».
Ұлттық мәдениетіміздің төресі домбыра Шу елі халқына ыстық. Тарихы тереңде жатқан, қилы замандарды еңсерген Шу жері, ұлы оқиғалардың куәгері.
Қазақтың киесі, қасиетті қазынасы «Ұлттық домбыра күні» мерекесімен аудан әкімі Бақытжан Жәнібеков құттықтады.
Еліміздегі ерекше мереке Домбыра күнінде қайталанбас тұлға күйші-композитор, Қазақстан Республикасына еңбегі сіңген қайраткер Әбдімомын Желдібаевтың, қазақ өнерінің алтын қорында ұзақ қалатын қанатты туынды, шет ел асқан «Ерке сылқым» күйі 300 домбырашылар орындауында орындалды.
Сонымен қатар аудандық мәдениет үйінің әншісі ҚР Мәдениет қайраткері Жанат Досжанова «Домбыра» әнін орындаса,
Қазақ өнерінің қайраткері, «Мәдениет саласының үздігі» Б.Қосыбаева «Қазағым», «Шу серілері» тобы «Бозжорға» әнін барша көрермен қауымға тарту етті.
