Қазіргі кезде дала төсінен еңбек дүбірінің дауысы естіліп, диқандар үшін қауырт науқанның жүріп жатқаны белгілі. Несібесін жерден жинайтын шаруалар қауымының бел жазбай еңбек ететіні де дәл осы кез. Сондықтан да аудан әкімі Бақытжан Жәнібеков ауданымыздағы шаруалардың тыныс-тіршілігімен танысып, жұмыстарын көзбен көріп қайтты.
Мысалы, кейінгі жылдары өңірімізде қант қызылшасын өсірумен айналысып келе жатқан “Қызылша” ЖШС-нің базасында болып, жаңадан әкелінген техникаларымен таныстық. Сонымен бірге, серіктестіктің қызылша, жүгері және күнбағыс алқабын аралап, дақылдардың шығымын және заманауи суару технологияларын көзбен көрді.
Сондай-ақ, серіктестік өкілдерімен алдағы егіс науқанында алқап көлемін ұлғайту, дәнді дақылдарды көптеп егу сынды мәселелер талқыланды. Одан бөлек, жауапты тұлғалармен бірге шаруаларға ыңғайлы болуы үшін тәтті түбірді қабылдау пунктін ашу сынды түйткілдер де қаралды.
