Ел ішінде бар ғұмырын бір саланы өркендетуге арнап, ерен еңбегімен ел құрметіне бөленіп жүретін жандар болады. Өз кәсібіне құлай берілген, қандай жағдай болса да асып-таспайтын дәл осындай жандар қандай құрметке де лайық екені сөзсіз.
Бұндай азаматтар біздің ауданымызда да жетерлік. Солардың бірегейі ретінде ауданымыздың спорт саласына елеулі үлес қосқан Сайфидин Абдуманапов пен Ербол Елемесов ағаларымызды атап өтуге болады. Күні кеше ғана зейнет жасына шығуына орай қос ағамызды жеке қабылдап, сый-құрметімізді көрсеттік. Аудан спортының дамуына жарты ғасырға жуық қызмет еткен ағаларымыздың иығына қазақы дәстүрмен шапан жауып, өз алғысымызды білдірдік.
Бақытжан Жәнібеков
