Прокурор Kaspi Bank ғимаратында адамдарды кепілге алған азаматты 8 жылға бас бостандығынан айыруды сұрады
Фото: видеодан скриншот
Прокурор Раушан Ақшораева соттан Әлихан Мурадовты қылмыс жасағаны үшін кінәлі деп тануды және оған 8 жыл бас бостандығынан айыру жазасын тағайындауды сұрады. Мемлекеттік айыптаушының пікірінше, сотталушы жазасын орташа қауіпсіздік колониясында өтеуі керек.
Жәбірленушілер сұралған мерзіммен келісті. Мурадов кінәсін мойындады. Жасаған ісіне өкініп, соттан оған ең аз жаза тағайындауды өтінді.
Сондай-ақ ол тергеу кезінде банк бөлімшесіне шабуыл жасауды 17 маусымда жоспарлап, ғимаратқа келгенін айтты. Дегенмен ол аяқ астынан ойынан бас тартқан. Сөйтіп 18 маусым күні қайта келген.
«Банктің ең жақын бөлімшесін 2ГИС арқылы таптым. Күтпеген жерден банкке барғым келді. Мен Kaspi Bank-тің осы филиалына баруды жоспарладым. Ұялы телефонымның қуаты бітіп, жақын маңдағы дүкенге бардым, содан соң банк бөлімшесіне бардым. Ол жерде адам көп болды, сондықтан ешкім зардап шекпесін деп ойымнан бас тарттым», — деді Әлихан Мурадов сот барысында.
Сонымен қатар ол банк ғимаратына шабуыл жасаған кезде есірткі қабылдамағанын, бірақ сыра ішкенін айтты.
«Каспий банк активтерінің бір бөлігін қайырымдылық қоры шоттарына аударуды сұрадым. Банкке шабуыл жасаудан бірнеше күні бұрын досымның қызы қайтыс болды. Маған біреуін ұстап тұру жеткілікті деп ойладым», — дейді ол.
Одан бөлек, тергеуші Мурадовтан Ішкі істер министрі жүргізген келіссөз туралы сұрады.
«Мен оның министр екенін білмедім. Кепілге алған қыздан интернеттен оның кім екенін қарап беруді сұрадым, содан кейін ғана кім екенін түсіндім. Сосын министр өзін таныстырып, өз-өзіме келуімді сұрады. Сонымен қатар кепілге алған азаматтарды босатсам, олардың орнына өзі қалатынын айтты. Менде министрді кепілге алу туралы ой болған емес. Министр келгеннен кейін істің насырға шапқанын түсіндім», — деген жауап қатты айыпты.
Еске салcақ, 18 маусым күні Астанада қарулы азамат Kaspi банкінің бөлімшесін ішіндегі халықпен бірге басып алғаны туралы жазған болатынбыз. https://stan.kz/prokuror-kaspi-bank-gimaratinda-adamdardi-kepilge-algan-388258/
