ҚР Оқу-ағарту министрлігінің Ұлттық ғылыми-практикалық дене тәрбиесі орталығының ұйымдастыруымен 29 қазаннан бастап Тараз қаласында Қазақстан Мұғалімдер Спартакиадасы өткізілуде.
Білім беру мекемелерінің мұғалімдері арасында салауатты өмір салтын насихаттау мақсатында ұйымдастырылған республикалық жарысқа Астана, Алматы, Шымкент қалаларынан және Атырау, Ақтөбе, Түркістан, Қарағанды, Жетісу, Қызылорда, Маңғыстау, Жамбыл облыстарынан 800-ге жуық мұғалімдер қатысуда.Жалпы білім беретін мектептердің, лицейлер, гимназиялар, жеке меншіктегі мектептер мен Назарбаев зияткерлік мектептерінің мұғалімдерінен құралған командалар волейбол, шағын футбол, үстел теннисі, асық ату, бес асық сынды 5 спорт түрінен бақ сынасуда.
Айта кетейік, аталған спартакиада 29 қазан мен 5 қараша аралығында өтетін болады.
Ұстаздарға сәттілік тілейміз!
Жамбыл облысының білім басқармасы
