«1000 мектеп» жобасының заңды жалғасы боп саналатын «2000 мектеп» жобасы бұл күнде өз жемісін беруде. «Жол активтері сапасы ұлттық орталығының» бастамасымен қолға алынған пилоттық жоба жас жолшыларға бағыт-бағдар беретіні айдан анық.
«Жол активтері сапасы ұлттық орталығының» облыстық филиалының жетекші сарапшысы Жұмахан Шәкірбаев еркін форматтағы кездесулерде ізбасарларына қыр-сырын түсіндіріп, әріптесі болуға шақырғанын жеткізді.
— Жалпы, жоба шеңберінде жергілікті жастар үшін «Ашық есік күндері» ұйымдастырылады. Осылайша, студенттер бұл саладағы алдыңғы буын өкілдерінің жұмысын көзбен көріп, көп жайтқа қанық болады. Филиал қызметкерлері өткен жылы 70 мектеп пен 9 колледжге арнайы барып, жастардың осы салаға деген қызығушылығын арттыруға күш салды, – деді Ж.Шәкірбаев.
