2024 жылдың 17 наурызы мен 5 сәуірі аралығында Altynsarin institute студенттерінің Башқұртстанға академиялық сапары басталды.
Бұл сапар 2023 жылдың желтоқсанында қол қойылған М.Ақмулла атындағы БГПУ-мен ынтымақтастық туралы келісімнің нәтижесінде жүзеге асты және студенттерге академиялық ұтқырлық бағдарламасы аясында шетелде білімдері мен тәжірибелерін кеңейтуге мүмкіндік беріп отыр.
Институт қызметкерлері С.Б.Жұмабаева мен Л.С.Шайменованың жетекшілігімен З.Жамантай, Д.Тенелбай, А.Калиаскарова, А.Худабергенова, А.Қойғара, Д.Серикова, С.Махмут және Ж.Болатованы қоса алғанда студенттер тобы қызықты сәттерге толы «саяхатқа» аттанды.
Сапардың бірінші күні Ақ өзеннің жағасында орналасқан Уфа қаласына келуден басталды. Студенттер оның жайлы атмосферасын сезініп, әйгілі, таңғажайып мәдени орындармен таныса алды.
Сол күні бағдарлама бойынша олар ЖОО басшылығымен кездесіп, бірлескен академиялық жобаларды іске асыру жөніндегі жұмыс кеңесіне қатысты.
«Біздің міндетіміз – ЖОО арасында жоғары білім мен ғылым саласында көпірлер орнату. Студенттердің академиялық ұтқырлығы жалпыға бірдей білім беру және ғылыми тәжірибе алуға ықпал етеді. Біз тек академиялық ұтқырлық мәселелерінде ғана емес, қос дипломды білім беру мәселелерінде де ынтымақтастығымызды жалғастыруға дайынбыз», – деп атап өтті Стратегиялық даму жөніндегі проректор Алмаз Флюрович Мұстаев өз сөзінде. Қорытындылай келе, бірінші проректор университет тарапынан бағдарлама қолдау табатынына, одан әрі дамитынына сенім білдірді.
Өз кезегінде қонақтар делегациясы қонақжайлылық үшін алғыс білдірді. «Біз сіздің ЖОО-дағы әріптестеріңізбен өзара іс-қимыл жасауға, тәжірибемен бөлісуге және Уфадағы достарымыздан үйренуге қуаныштымыз. Сіздің қалаңыз бізге ұмытылмас әсер қалдырды, сондықтан біз сізге тағы да қуана келеміз деп сенімді түрде айта аламыз», – деді академиялық бағдарламалар, әдістемелік және ғылыми жұмыстар кеңсесінің басшысы Сәния Бақытжанқызы.
БГПУ-дағ академиялық бағдарлама аясында біздің институттың делегациясы әмбебап педагогикалық құзыреттіліктер технопаркі мен IFMCN-ге барып, мұғалімдерді даярлаудың заманауи шарттарын қарап, педагогикалық білім беруді ілгерілету жобасымен танысты. Технопарк қызметкерлері зертханаларға экскурсия жүргізіп, жабдықтардың функционалдық мүмкіндіктері туралы айтып, адам білімінің кез келген саласында зерттеуге арналған заманауи цифрлық аспаптардың жұмысын түсіндірді.
АрқПИ студенттерінің айтуынша, технопаркте педагогикалық жобалау, пәнаралық және мета-пәндік жобаларды іске асыру тәжірибесін жинақтау, зерттеу жұмыстарын ұйымдастыру, функционалдық сауаттылықты қалыптастыру үшін мүмкіндіктер жасалған.
Студенттердің алдында көптеген жақсы әсерлер күтілуде: психология факультеті мен педагогика институтының қызметімен танысу, экскурсиялар, Наурыз Халықаралық көктем мерекесі аясында мерекелік іс-шараларға қатысу. Сондай-ақ оқу, сынақтар мен емтихандарды тапсыру апталары.
Студенттер Уфада болған алғашқы күнінен жағымды әсер алып және осындай бірегей мүмкіндік үшін екі университет басшылығына шын жүректен алғыс білдірді.
Altynsarin institute
Маркетинг және коммуникация бөлімі
