Баузақ ауданындағы саз мектебінде жырау, әнші-композитор Кенен Әзірбаевтың туғанына 140 жыл толуына орай үлкен іс-шара өтті.
«Сағындым Кенен атамды» тақырыбында өткен мәдени-көпшіліктік кездесуге ақынның ұрпақтары мен зиялы қауым өкілдері және жергілікті тұрғындар қатысты.
Шара барысында «Кенен» қорының демеушілігімен жасалған ақын-жырау бюстінің салтанатты ашылуы өтті.
Көпшілікке мәлім тұлғаның 120-дан астам әні мен ел ішінде кеңінен танымал 7 күйі және мыңға жуық жыр жолдары өскелең ұрпаққа мұра болып қалды.
