«AMANAT» партиясы аудандық филиалының мәжіліс залында «AMANAT» партиясы Жамбыл облыстық филиалы жанындағы Сыбайлас жемқорлыққа қарсы іс-қимыл жөніндегі кеңестің көшпелі отырысы өтті.
Жиынға кеңес мүшелері, мекеме, кәсіпорын басшылары қатысты. Басқосуда аудан әкімі Сәкен Мамытов ҚР Сыбайлас жемқорлыққа қарсы саясатының 2022-2026 жылдарға арналған тұжырымдамасынан туындайтын міндеттер және сыбайлас жемқорлыққа қарсы бағытында жүргізіліп жатқан жұмыстардың барысы туралы хабарлама жасап, жан-жақты тоқталып, аудан әкімдігі тарапынан сыбайлас жемқорлықтың алдын алу және оған жол бермеу бағытында тиісті жұмыстар атқарылып жатқандығын, бұл мақсатта барлық мекемелерде түсіндіру-ақпараттық жұмыстары үнемі жүргізіліп отыратындығын атап өтті. Кездесу барысында кеңес мүшелері бірқатар мәселелерді көтеріп, ұсыныстарын жеткізді. Атап айтқанда, жемқорлықтың алдын алу және оған жол бермеу бағытында аудандағы құзырлы мемлекеттік органдармен бірлескен жұмыстарды күшейту туралы ұсыныстар берілді. Сондай-ақ, «AMANAT» партиясының сайлауалды бағдарламасы аясында салынып жатқан құрылыс нысандарын уақытылы тапсыру қажеттілігі де айтылды.
