Бүгінде елімізде «Қарапайым заттар экономикасы» салаларын дамытуға ерекше көңіл бөлініп жатыр. Бұл – күнделікті қолданатын тауарлар мен қызметтер. Олардың қатарында тоқыма өнімдері мен жиһаз, азық-түлік өнімдері өндірісі және басқа да тауарлар бар.
Әлеуметтің әлеуетін арттыратын бағытты дамыту, оны кеңінен насихаттау басты мақсат болып табылады. Осы орайда, аптаның бейсенбісінде аудан әкімдігінің кәсіпкерлік, өнеркәсіп және туризм бөлімінің басшысы Ж.Сақыпбековтың ұйымдастыруымен аудандағы барлық мекемелер мен кəсіпорын басшыларына жəне есеп саласына жауапты мамандарға тартылған инвестиция көлемінің есептерін тапсыру мен «Қарапайым заттар экономикасы» бағыттарында жергілікті қамту үлесін арттыруға бағытталған есептіліктерді тапсыру туралы насихаттау семинар-кеңесі өтті. Кеңес барысында аталмыш бағдарлама туралы жан-жақты мәліметтер айтылып, бағдарлама -ның маңыздылығы талқыланды. Қатысушылар көкейлеріндегі сұрақтарына толыққанды жауаптарын алды.
А.Күзекбаева,
Сарысу ауданы әкімдігінің кәсіпкерлік, өнеркәсіп және туризм бөлімінің бас маманы
