ДИМАШ АХМЕТҰЛЫ — ЖАҢАТАСТА
Қазақ халқының кемеңгер ұлы Дінмұхаммед Қонаев Жаңатас қаласында екі рет болды.
Екінші рет 1980 жылы Жамбыл облысына жасаған сапары барысында Сарысу ауданына жолы түседі.
Шалғай өңірге жасаған жұмыс сапарын ол кезде облыстық мәндегі шағын қала — Жаңатастың кен орындарында, «Бұзаушоқы» шатқалындағы балалардың демалыс лагерінде болып, өндіріс орындары және қала басшыларымен әңгімелеседі.
Димаш Ахметұлының Жаңатас қаласы мен Сарысу ауданына жасаған жұмыс сапарында облыстық партия комитетінің бірінші хатшысы Хасан Бектұрғанов пен облыстық атқару комитетінің төрағасы Сейілхан Аққозиев болды.
Одан кейін Сарысу ауданына барады. Димаш Ахметұлының Сарысу сапары туралы бұған дейінгі естеліктерімде жазғанмын.
Қазақстан Компартиясы Орталық Комитетінің бірінші хатшысы, СОКП Орталық комитетінің Бюро мүшесі Д. А. Қонаевтың біздің өңірге жасаған осы сапарын «Правда» газеті бірінші бетіне жариялады.
Мен онда «Камчатка» түбегінде азаматтық міндетімді атқарып жүргем. «Дембель» жақын, әскери бөлімде дәуреніміз жүріп тұрған соң, әлгі ақпараттық хабарды бүкіл «молодойы» бар, басқа солдаттары бар жағалай оқытып, «міне, біздің басшы, біздің ел» деп қазақ жігіттері бір шырқап едік.
Қайран уақыт, одан бері де қырық жыл өтіпті…
Амангелді Әбіл
Қазақстанның Құрметті журналисі,
«Ерен еңбегі үшін» медалінің иегері.
https://www.facebook.com/100068552142069/posts/pfbid02dTAq6sPE5XxkrBCTJ1swUsrY34apdQ6Zz9asqxkyDVnADv6Yb3xxBsGxSJU4ZScsl/?app=fbl
