2024-2025 жылдардағы жылыту маусымына жалпы қажетті қара май көлемі 13849 тонна. Қазіргі таңда қоймада 31 тәулікке жеткілікті
1883 тонна мазут қоры бар.![]()
Қалған сатып алынатын қара май көлемі 11966 тонна. Бұл бойынша облыс әкімдігінің энергетика басқармасына өтінім берілді.
Аудандағы 124 әлеуметтік нысанды (мәдениет, денсаулық, спорт, білім) 8457 тонна көмір, 413 тонна сұйық отынмен қамтамасыз етуге мемлекеттік сатып алу конкурстары жүргізілуде.
Көмір бойынша тасымалдаушы мердігер ЖК «Акмаганбетов Т.», қазіргі таңда 1011,99 тонна жеткізілді.
Ал, сұйық отын бойынша тасымалдаушы мердігер ЖК «Сарыпбекова».
Барлық әлеуметтік нысандарға көмір отыны мен сұйық отынды отынды тасымалдауды қыркүйек айында аяқтау жоспарлану үстінде.
376 жеке тұрғын үй табиғи газды пайдалануда (Досбол, Шағалалы, Тоғызкент, Майлыкөл және Әбілдә ауылдары)
Бұл елді мекендерде 10 нысан табиғи газға қосылған (білім 3, мәдениет 3, денсаулық сақтау 4).
Аудан көлеміндегі 4755 жеке тұрғын үйлерге қажетті көмірдің жоспары 17000 тонна.
Жаңатас қаласында көмір сатумен 4 кәсіпкер айналысады (ЖК «Сарыпбекова», ЖК «Искаков», ЖК «Шералиев», ЖК «Урдабаева»).
Бүгінде көмір тұйықтарында 2000 тонна (Шұбаркөл көмірі, ЖК «Шералиев) көмір бар.
