Бүгін әлеуметтік желіде жаңадан ашылған Абай облысының әкімі болып ақын Ақберен Елгезек тағайындалды деген ақпарат желдей есті. Бұл – фейк деп жазды turkystan.kz.
Өйткені мұндай ақпарат ресми түрде жарияланған жоқ. Сондай-ақ бұл жаңалықтың жалған екенін ақынның өзі де мәлімдеді.
«Телефоныма тыным болмай кетті. Бәріне жауап беру мүмкін емес. Ағайын, бұл – фейк ақпарат. Баршаңыздың тілектеріңізден айналдым! Біз – жазушы адамбыз. Саясатпен саясаткерлер айналыссын. Біздің мұрат – мәңгілік құндылықтар руханиятқа, әдебиетке қолдан келгенше қалтқысыз қызмет ету» деп жазды Ақберен Елгезек Facebook-тегі парақшасында.
https://turkystan.kz/article/172317-sayasatpen-sayasatkerler-aynalyssyn-akberen-elgezek/
