Ақбота Сейтмағамбет өзінен жасы кіші азаматқа күйеуге шығу туралы ойын айтты

Ақбота Сейтмағамбет өзінен кіші азаматпен бас қосу туралы ойын айтты. Әнші тыңдармандарының сұрағына жауап беріп, жеке өміріне қатысты ашық жазды.

Ақбота Сейтмағамбет жасы кіші азаматқа тұрмысқа шығуға дайын. Себебі махаббат жасқа қарамайды.

“Мен жасы кіші азаматқа да тұрмысқа шығуға қарсы емеспін. Махаббат жасқа қарамайды. Алда не боларын, не жазылғанын ешкім білмейді. Қалай болғанда да құдайым жүрегіммен егіз теңімді тауып берсе екен деймін”, – деді әнші.

Әлемді ұстап тұрған мейірімділік пен махаббат дейді әнші.

“Әлемде онсыз да мейірімсіздік, қатыгездік көп қой. Жаратқанның сыйпаттарына үңіліп және оған үміт артып жүректі тыныштыққа келтіруден асқан ғанибет бар ма? Әлемді мейірімділік пен махаббат қана сақтап тұра алады”, – деді Ақбота.

“Біз қалай ойнадық,
Ғашықтардың рөлінде”, – дейді Ақбота ән мәтінінен үзінді келтіре.

Бұған дейін жас әнші екінші рет тұрмыс құруға дайын емес екенін жеткізген еді. Кейіннен жас жігіттермен көзге түсті.

Ал экс-жұбаы Дәурен Айдарқұлов намазға бет бұрған, орамалдағы қызды жар етуге ынтық екенін жеткізді. Некеде ортақ екі бала бар.

“Бағың ашылсын”, “Жақсы жар кезіксін”, “Бақыт тілеймін”, “Жақсы, саналы, адал жар тілеймін”, “Өзің қандай болсаң, ниетіңе қарай береді”, “Бастысы отбасы бар азаматтан аулақ жүру керек”, деп жазды көпшілік.

https://stan.kz/akbota-seytmagambet-ozinen-zhasi-kishi-azamatka-kuyeuge-365328/