Ақмола облысында шенеуніктер инвестордан 16 мың гектар жерді алып қоймақ болған

istockphoto.com

Ақмола облысында шенеуніктер инвестордан 16 мың гектар жерді алып қоймақ болған: 31 наурыз 2026, жаңалықтар Turkystan.kz
Бас прокуратура Ақмола облысында экотуризм саласында халықаралық жобаны іске асырып жатқан компанияға 16 мың гектар жерді қайтарды, деп хабарлайды turkystan.kz.

Жоба аясында Қазақстанға бизондар әкелінді, сондай-ақ Қызыл кітапқа енген Пржевальский жылқыларының популяциясын қалпына келтіру және асыл тұқымды жылқы шаруашылығын дамыту жоспарланған.

Бұған дейін Ақмола облысының Жер ресурстарын басқару департаменті жер телімін нысаналы мақсаты бойынша пайдаланбады деген уәжбен және оны қайтару туралы талаппен сотқа жүгінген. Бірінші сатыдағы сот талап арызды қанағаттандырған.

Қадағалау органы заң бұзушылықтар формальды сипатта болғанын және оларды мұндай қатаң шараларсыз-ақ жоюға болатынын анықтаған. Прокуратура ықпал ету шаралары заңбұзушылықтың ауырлығына сәйкес келуі тиісдеген пропорционалдылық принципін ескере отырып, инвесторды қолдады.

Прокурорлардың араласуынан кейін Департамент талап арыздан бас тартты. Апелляциялық алқа бірінші сатыдағы соттың шешімін жойды.

Инвесторға жобаны іске асыруды жалғастыруға мүмкіндік берілді. Жер телімдері ғана емес, сонымен қатар өңірдің дамуына серпін беретін ірі инвестициялық жобаны жүзеге асыру үшін қажетті жағдайлар сақталып қалды.

Комитет әкімшілік кедергілерге немесе құқықтарының бұзылуына тап болған инвесторларды дереу 115 нөмірі бойынша Call-орталыққа хабарласуға шақырады.

Толық нұсқасына гиперсілтеме беруді ұмытпаңыз: https://turkystan.kz/article/278961-aqmola-oblysynda-seneunikter-investordan-16-myn-gektar-zerdi-alyp-qoimaq-bolgan