Алғыс айту күні – ортақ тарихымызға көрсетілген құрметтің, бүкіл қазақстандықтардың өз шаңырағына айналған киелі қазақ жеріне деген ризашылықтың белгісі.
Қазақстандықтардың қазіргі буыны, әсіресе жастар, тарихымызды біліп, есте сақтауы керек. Тарих тағылымы шынайы патриотизм мен бірліктің үлгісін көрсетеді.
Әрқайсымыздың жүрегімізде ортақ жетістігімізге – өркендеп келе жатқан Қазақстанға деген мақтаныш пен ризашылық сезімі ұялай берсін!Осылай деп құттықтауын жеткізген Игілік ауылдық округінің әкімі Ж.Жанайдаров жас буынға үлгі өнеге болып, елдегі достық пен татулыққа өз үлестерін қосып, ақылдарын әркез айтып отыратын қарияларға қашанда құрмет көрсеткен артықтық етпес,-деп ауыл қариялармен жолықты.
Кездесуде ауыл ардагерлері округтегі атқарылған жұмыстар мен оң өзгерістер жөнінде пікірлерін білдіріп, ризашылықтарын жеткізді.
Сондай-ақ, көктемге де аман-есен жетіп, осы маусымда жауын-шашын мол түсіп, өткен жылдың қиындығы биыл болмасын, жерге көк бітік шығып, шаруалар үшін жайлы жыл болсын деп тілек білдірді.
Сонымен қатар өңірдің дамуы мен өсіп өркендеуі жолында, алдағы жұмыстарға сәттілік тіледі.
