Ақтөбе қаласының әкімі Асхат Шахаров су басқан бау-бақша ұжымдарының тұрғындарымен кездесті, деп хабарлайды «Адырна» ұлттық порталы.
47 орта мектебінде ұйымдастырылған эвакуациялық пунктте 60-тан астам адам уақытша тұрып жатыр, оның ішінде 40-қа жуық бала, 1 жасқа дейінгі 7 бала бар.
Сондай-ақ, тағы басқа екі мектепте (26-шы және 50-ші) эвакуациялық пункттер ұйымдастырылды. Барлық эвакуациялық пункттер азық-түлікпен, бірінші кезекте қажетті заттармен және күніне үш рет ыстық тамақпен толық қамтамасыз етілген. Мұнда тәулік бойы дәрігерлер мен полиция қызметкерлері кезекшілік етеді.
«Адырна» ұлттық порталы
