Ақтөбе облысы Темір ауданында оқушы қыз әпкесіне ренжіп, өзіне пышақ сұғып алған.
Қазір ол аудандық аурухананың жансақтау бөлімінде жатыр, деп хабарлайды Экспресс К.
Оқиға кеше болған. Оқушы қыздың әпкесі сіңілісін тәртіпке шақырып, телефонын алған. Осы кезде ашуға берілген қыз өзіне пышақ салып алады. Ал анасы 10 минутқа сыртқа шығып кеткен. Қазір бала жансақтау бөлімінде жатыр. Операция жасалған. Жағдайы қалыпты.
Оқушы толыққанды отбасынан шыққан. Төрт қыздың кішісі. Әкесі кәсіпкер. Әлеуметтік жағдайы төмен отбасылардың қатарына кірмейді. Бала мектепте үздік оқиды, белсенді.
Аудандық білім бөлімінің басшысы Жұмагерей Наурызғалиұлының айтуынша, қазір мектепте тиісті мамандар жұмыс жүргізіп жатыр.
Қазір балалар телефонға үйір. Ішкі істер бөлімімен бірге жұмыс істеп жатырмыз. Қандай да бір агрессивті ойынды ойнай ма деген күмән бар. Бала сабақтан қалмайды. Қандай да бір ауытқушылық белгісі жоқ,
Қазір оқушының анасы қызының қасында отыр.
https://exk.kz/kk/news/120424/aktobiedie-6-synyp-okushysy-pkiesi-tieliefonyn-tartyp-algany-ushin-ozinie-kol-saldy?utm_campaign=recommendation&utm_source=ainews
