ҚазАқпарат — Ақтөбенің екі ауданында орналасқан мемлекеттік ту төмен түсірілді, деп хабарлайды ҚазАқпарат. Бұл жайында Ақтөбе облысы әкімдігінің баспасөз қызметі мәлімет таратты. «Құрметті ақтөбеліктер! Ақтөбеде желдің күшеюіне байланысты 12-шағынаудандағы айналма жолда орнатылған Мемлекеттік Ту және ҚР Тұңғыш Президенті атындағы орталық саябақта тұрған Мемлекеттік Ту жел басылғанға дейін түсіріліп қойылды. Бұл — Тудың жыртылмай сақталуы мақсатында жасалған әрекет. Жел басылған соң қайтадан орнына көтеріледі» деп ескертті облыс әкімдігі. Еске сала кетейік, Қазақстанда ауа райы бұзылып, 11 өңірде ескерту жарияланған болатын.
Барлық құқықтар қорғалған. inform.kz белсенді сілтемені пайдаланыңыз https://www.inform.kz/kz/aktobede-aua-rayyna-baylanysty-memlekettik-tu-tomen-tusirildi_a3898661
