https://turkystan.kz/article/259020-aqtobede-dari-darmekti-zansyz-saqtagandar-ustaldy
Ақтөбе облысында Есірткі қылмысына қарсы іс-қимыл басқармасының қызметкерлері жедел-іздестіру барысында заңсыз дәрі-дәрмек сақтаған екі тұрғынды ұстады, – деп хабарлайды turkystan.kz.
Жеке тексеру нәтижесінде ұсталғандардың бірінен дәрігердің рецепті бойынша қатаң түрде берілетін дәрілік препараттар салынған қорап табылды және тәркіленді.
Бұдан әрі күдіктілер тұрған жалға алынған пәтерді тексеру кезінде полицейлер ірі көлемде қолма-қол ақшаны, сондай-ақ мыңнан астам рецептік дәрі-дәрмекті және психотроптық заттарды тәркіледі.
Ұсталғандардың айтуынша, олар дәрі-дәрмектерді психотроптық заттарды қолданатын адамдарға сатқан.
Жүргізілген сараптама нәтижелері бойынша ұсталғандардың екеуі де есірткіге мас болғаны анықталды.
Оларға қатысты әкімшілік хаттам толтырылды.
