Қаңтар оқиғасы кезінде қару ұрлады деп айыпталған алматылық азамат 6 жылға сотталды

Алматыда қаңтар оқиғалары кезінде қару ұрлығына қатысты істі қарау аяқталды. Бүгін, 11 шілдеде Алматы қаласының Алмалы аудандық соты Қаңтар оқиғасы кезінде «қару-жарақ ұрлады» деген күдікке ілінген Әлібек Иманбековты алты жылға бас бостандығынан айырды, деп хабарлайды Stan.kz ақпарат агенттігі.

Дереккөз Masa.Media

Иманбековке Қылмыстық кодекстің «Қаруды, оқ-дәрілерді, жарылғыш заттар мен жарылыс құрылғыларын жымқыру не қорқытып алу» деп аталатын 291-бабы бойынша айып тағылған.

Сот анықтағандай, Алматы қаласының 33 жастағы тұрғыны белгісіз біреумен бірге қару-жарақ дүкеніне заңсыз кіріп, жалпы құны 204 733 теңге тұратын «Перенниа III» маркалы екі тегіс ұңғылы аңшы мылтығы мен құны 187 557 теңге тұратын «ATA ARMS» қаруын ұрлаған.

• • Қаңтар оқиғасы бойынша қазір қылмыскер деп танылғандарды болашақта «батыр» деп мойындайды — Абзал Құспан

• • Алматыда Қаңтар оқиғасына арналған ескерткіш таныстырылды: Жиналғандар Назарбаев даңғылының атауын өзгертуді ұсынды

• «Қыркүйек-қазан айларында тағы да үлкен наразылықтар болуы мүмкін»: Сарапшылар «Қаңтар» оқиғаларының қайталануын болжады

1989 жылы туған Әлібек Иманбеков болса өзінің қылмыс жасамағанын айтып, сот үкімі әділетсіз болғанын айтқан. Оның айтуынша, ол қаруды ұрламаған, керісінше тауып алып, полицейлерге тапсырмақ болған.

Алайда сотталушымен таныс куәгерлер оның тағы бір белгісіз біреумен бірге дүкенге кіріп, ұрланған қаруларды алып шығып, көлікке отырып кеткенін алға тартқан.

Прокурор тағылған айыпты қолдады. Сот ер адамды кінәлі деп танып, қылмыстық-атқару жүйесінің қауіпсіздігі орташа мекемелерінде алты жылға бас бостандығынан айыру туралы үкім шығарды.

Соттың үкімі заңды күшіне енген жоқ.

https://stan.kz/kantar-okigasi-kezinde-karu-yrladi-dep-ayiptalgan-almat-367233/