Адам шығыны болған оқиғалар тексеріліп жатыр. Бүгінде 4 578 жәбірленуші анықталды. Оның 4353-і жараланған (3393-і құқық қорғау органының қызметкерлері). Төтенше жағдай кезінде мәйітханаларға қаза тапқан 225 адам жеткізілді,
Бас прокуратурасының қылмыстық қудалау қызметінің бастығының айтуынша, олардың бір бөлігі ғимараттарға шабуыл жасаған бандиттер. Қаза тапқандардың 19-ы полиция және әскери қызметкерлері.
Әр дерек мұқият тексеріледі. Нәтижесі бойынша құқықтық баға беріледі. Бүгінгі таңда жедел-тергеу топтары 546 істі қарап жатыр. Оның ішінде 44-і терроризм актілері, 34-і жаппай тәртіпсіздіктер, 15-і адам өлтіру дерегі бойынша ұсталғандар,
Уақытша ұстау изоляторына 672 күдікті ұсталған. Оның 446-сі соттың санкциясымен қамауға алынған. Ал 100-ден астам азаматты босатқан.
Президент кеше Бас прокуратураға тергеуге алынған азаматтардың қылмыстық дәрежесін анықтауды тапсырған болатын.
