Ақтауда пәтерлердің бірінен ер адам мен әйелдің мәйіті табылды. Көп ұзамай полицейлер кісі өліміне қатысы бар күдіктіні ұстады, деп хабарлайды Stan.kz ақпарат агенттігі.
17 тамыз күні сағат 10:40 шамасында 102 кезекші пультіне 14 шағын аудандағы пәтерлердің бірінен ер адам мен әйел адамның мәйіті табылғаны туралы шақыру түсті. Оқиға орнына жедел-тергеу тобы, Полиция департаментінің және прокуратураның басшылығы барды.
28 жастағы күдікті көп ұзамай анықталып, ұсталды. Ол Ақтау қаласы Полиция басқармасына жеткізілді. Аталған дерек Қылмыстық кодекстің 99-бабы 2-бөлігі “Кісі өлтіру” бойынша тіркелді. Тергеу жүріп жатыр. Өзге ақпарат тергеу мүддесінде жария етілмейді.
https://stan.kz/aktauda-paterlerdin-birinen-er-adam-men-ayeldin-mayiti-368982/
