Ақтауда 2 маусым күні суға батып кеткен жасөспірімнің денесі табылды.
Lada.kz порталының жазуынша, құтқарушылар 2 маусымда 2005 жылы туған жасөспірімнің суда жүзіп жүріп батып кеткен денесін жағадан 100 метр қашықтан тапқан.
16 жастағы бала арнайы тақтаймен (SUP-борд) теңізге шыққан.
«Таңғы сағат 08.35-те Каспий теңізінің жағалауында Төтенше жағдайлар департаментінің күштері 2 маусымда серфингпен жүзіп жүріп суға батып кеткен 2005 жылғы жасөспірімнің мәйітін тауып, жағаға шығарды», – деді Ақтау қаласы Төтенше жағдайлар басқармасының аға тергеушісі Есен Борашев.
Белгілі болғандай, қайтыс болған жасөспірім Бейнеу ауылының тұрғыны екен.
https://aikyn.kz/199519/aktauda-suga-batyp-ketken-zhasospirimnin-denesi-tabyldy/
