Құтқарушылар 2 маусымда «Сарбаз жағажайы» ауданында серфингпен айналысамын деп, суға батып кеткен жасөспірімнің мәйітін тапты деп хабарлады turkystan.kz.
2005 жылғы жасөспірім Бейнеуден келген. Маңғыстау облыстық ТЖД-дан хабарлағандай, жасөспірім теңізге арнайы тақтаймен (SUP-board) шыққан. Оның мәйіті жағадан жүз метр қашықтықтан табылды.
«Таңғы сағат 8:35-те Каспий теңізінде ТЖД күштік құрылымы 2005 жылғы азаматтың мәйітін тауып, судан шығарды. Ол 2 маусымда серфинг тақтайымен жүзіп жүріп, батып кетті», – деді Ақтау қалалық төтенше жағдайлар басқармасының бас тергеушісі Есен Борашев.
https://turkystan.kz/article/183186-aktauda-suga-batyp-ketken-zhasospirimnin-meyiti-tabyldy/
