Ақтаудағы Приморский ауылы маңындағы жағажайда 1 жасөспірім суға батып мерт болды, тағы екі баланы тұрғындар аман алып қалды, деп хабарлайды Stan.kz ақпарат агенттігі.
Бұл туралы Маңғыстау облыстық төтенше жағдайлар департаментінің баспасөз қызметі хабарлады.
Қайғылы оқиға туралы хабар құтқарушыларға 2 маусым күні сағат 17:13-те түскен.
«Куәгерлер Приморский тұрғын үй алабына қарама-қарсы орналасқан жағажайда 17 жастағы жасөспірімнің суға батып кеткенін айтты. Тағы екі баланы куәгерлер құтқарып алған. Қазіргі таңда оқиға орнында сүңгуірлер жұмыс істеп жатыр»,-деп хабарлады Маңғыстау облысының Төтенше жағдайлар департаментінен.
https://stan.kz/aktaudagi-zhagazhayda-zhasospirim-suga-batip-ketti-365458/
