Абай атындағы Жамбыл гуманитарлық жоғары колледжінде техникалық және кәсіптік білім беру ұйымдарына (ТжКБ) оқуға түсушілердің құжаттарын қабылдау мақсатында арнайы құрылған қабылдау комиссиясының алғашқы отырысы өтті.
Отырыс барысында қабылдау науқанын ұйымдастыру, талапкерлердің құжаттарын қабылдау мерзімі, өтініш беру мүмкіндіктері қарастырылды.![]()
Қабылдау комиссиясының мүшелерімен талапкерлерден келіп түскен өтініштер мен құжаттардың дұрыстығын тексеру, мамандықтар бойынша сұранысты бағалау және оқуға қабылдау ережелерін сақтау мәселелері талқыланды.
Сонымен қатар, техникалық және кәсіптік білім беру ұйымдарына қажеттілік негізінде бөлінген мемлекеттік білім беру тапсырыстары, оқу орнының материалдық-техникалық базасы, оқу бағдарламалары және студенттерге арналған әлеуметтік қолдау шаралары туралы ақпарат берілді.
Комиссия мүшелері талапкерлерге әділ және ашық қабылдау үдерісін қамтамасыз ету үшін барлық қажетті шаралар қабылданатынын атап өтті.
Құжат қабылдау 25 маусым күнінен басталады.
Талапкерлерден құжаттар тікелей оқу орны арқылы қабылданады.
